समाचारहरू

४६ वर्षीया महिलालाई बलात्कार गरेको आरोपमा स्वर्गद्धारी नगरपालिका — ३ का ५८ वर्षीय रविलाल खनालविरुद्धको मुद्दामा जिल्ला अदालतले ०८० असार २४ गते मुल्तवीमा राख्ने फैसला गरेको छ ।

जिल्ला अदालतमा ०८० वैशाख ५ गते दर्ता  भएको मुद्दामा न्यायाधीश देवप्रसाद योगीको इजलासले मुल्तबीमा राख्ने फैसला गरेको अदालतका स्रेस्तेदार बिरेन्द्रप्रकास खड्काले जानकारी दिनुभयो ।

पीडितलाई आरोपितले ०७९ साउन १२ गते बलात्कार गरेको भन्दै पीडित पक्षले जिल्ला प्रहरी कार्यालयमा साउन १४ गते उजुरी दिएका थिए ।

आरोपित खनाल हालसम्म गिरफ्तार नपरेकोले मुद्दा मुल्तवीमा रहेको जिल्ला अदालतका स्रेस्तेदार खड्काले जानकारी दिनु भयो ।

पीडित महिलाको स्वास्थ्य परीक्षण ०७९ साउन १४ गते जिल्ला अस्पताल, बिजुवारमा गरिएको थियो ।

रविन्द्र पाण्डे