समाचारहरू

२९ वर्षीया महिलालाई लहान नगरपालिका–१४ का ३२ वर्षीय रामउदगार महतोले बलात्कार गरेको कसूर ठहर गर्दै जिल्ला अदालतले ८ वर्ष कैद सजायको फैसला फागुन १४ गते गरेको छ ।

जिल्ला अदालतका न्याधीश लिलाराज अधिकारीको एकल इजलाशले सो फैसला गरेको हो । पीडितलाई १ लाख क्षतीपुर्ती दिने समेत फैसला भएको हो ।

आरोपितले महिलालाई ०७७ फागुन १७ गते बलात्कार गरेको आरोपमा पीडित परिवारले इलाका प्रहरी कार्यालय लहानमा फागुन २७ गते उजुरी दिएका थिए । महिलाको स्वास्थ्य परीक्षण लहान स्थित रामकुमार उमाप्रसाद स्मारक अस्पतालमा फागुन २७ गते भएको थियो । इलाका प्रहरी कार्यालय लहानले आरोपितलाई फागुन २७ गते गिरफ्तार गरेको थियो भने जिल्ला अदालतको आदेशमा आरोपित चैत २४ गते देखि पुर्पक्षका लागि थुनामा रहेका थिए ।

दुर्गा परियार