समाचारहरू

१८ वर्षीया युवतीलाई बलात्कार गरेको कसुरमा ईश्वरपुर नगरपालिका–१३ का ३२ वर्षीय नसिर नदाफ मियाँ मन्सुरलाई जिल्ला अदालत सर्लाहीले ०८० पुस २२ गते ७ वर्ष कैद सजायको फैसला गरेको छ ।

जिल्ला अदालत सर्लाहीका न्यायाधिश कमल प्रसाद पोखरेलको इजलासले आरोपितलाई ७ वर्ष कैद सजाय र ३५ हजार रुपियाँ पीडितलाई क्षतिपुर्ति दिने गरी मुद्दाको अन्तिम फैसला गरेको जिल्ला अदालतका स्रेस्तेदार सदन अधिकारीले जानकारी दिनु भयो ।

पीडित बालिकालाई आरोपितले २०७८ साउन १८ गते बलात्कार गरेको भन्दै पीडित पक्षले ईलाका प्रहरी कार्यालय केशरगंजमा ०७८ साउन ३१ गते उजुरी दिनु भएको थियो ।

पीडित बालिकाको स्वास्थ्य परीक्षण ०७८ साउन ३२ गते सर्लाही जिल्ला अस्पताल मलङ्गवामा गरिएको थियो ।

घटनामा संलग्न आरोपित पुर्पक्षका लागी सिन्धुली जिल्ला कारागारमा रहेको स्रेस्तेदार अधिकारीले जानकारी दिनु भयो ।

बुधन साह