समाचारहरू

६ वर्षीया बालिकालाई बलात्कार गरेका कसुरमा नुवाकोट जिल्ला किस्पाङ गाउँपालिका–५ घर भई हाल गोसाईंकुण्ड गाउँपालिका–६ धुन्चेमा बस्ने २२ वर्षीय यमप्रसाद भट्टराईलाई जिल्ला अदालतले जन्मकैदको फैसला सुनाएको छ ।

जिल्ला न्यायाधीश राजेन्द्र नेपालको पुस २९ गतेको इजलासले भट्टराईलाई जन्मकैदको फैसला सुनाएको अदालतका श्रेस्तेदार मुना अधिकारीले बताउनुभयो ।

बालिकालाई ०७७ पुस १८ गते आफ्नै कोठामा लगेर बलत्कार गरेको भन्दै भट्टराईविरुद्ध पीडित बालिकाकी आमाले सोही दिन जिल्ला प्रहरी कार्यालयमा उजुरी दिएकी थिइन् ।

भट्टराईलाई प्रहरीले पुस १८ गते नै गोसाइकुण्ड गाउँपालिका–६ धुन्चेबाट गिरफ्तार गरी जिल्ला अदालतको आदेशमा करणी सम्बन्धी कसुरमा मुद्दामा पुर्पक्षका लागि थुनामा पठाएको थियो ।

पीडितको स्वास्थ्य परीक्षण पुस २५ गते जिल्ला अस्पताल धुन्चेमा गरिएको थियो ।

भट्टराइले मुलुकी संहिता २०७४ को दफा २१९ को उपदफा ९१० र ९२० र उपदफा ९३० को देहाय (क) बमोजिम कसुर गरेको ठहरिएको जनाइएको छ । उक्त कसुर बापत आरोपितलाई सो सहित दफा २१९ को उपदफा ९३० को देहाय (क) बमोजिम जन्म कैदको फैसला गरिएको श्रेस्तेदार अधिकारीले जानकारी दिनु भयो ।

साथै सोही संहिताको दफा २१९ को उपदफा ९३० (क) को यौन हिंसाविरुद्धको केही ऐनलाई संशोधन गर्ने अध्यादेश २०७८ देहाय (क) बमोजिम प्रतिवादीलाई ६ लाख रुपैयाँ जरिवाना तोकिएको छ भने पीडितलाई सोही संहिताको दफा २२८ बमोजिम क्षतिपूर्ति बापत ५० हजार रुपैयाँ भराउने पनि जिल्ला अदालतको फैसलामा उल्लेख छ ।

साथै अपराध पीडित संरक्षण ऐन २०७५ को दफा ४१ बमोजिम प्रतिवादी भट्टराईले २ दुई हजार ८ सय कोषमा बुझाउनु पर्ने रसुवा जिल्ला अदालतले जनाएको छ ।

हेमनाथ खतिवडा