समाचारहरू

१५ वर्षीया बालिकालाई बलात्कार गरेको कसुर ठहर गर्दै जिल्ला अदालतले ३५ वर्षीय पितालाई जन्मकैद सजायको फैसला असार १७ गते गरेको छ ।

जिल्ला अदालतका न्याधीश शान्तिप्रसाद आचार्यको एकल इजलासले सो फैसला गरेको हो । पीडितलाई २ लाख रुपियाँ क्षतीपुर्ती दिने गरी फैसला भएको छ । आरोपितले बालिकालाई ०७८ फागुन १९ गते बलात्कार गरेको आरोपमा पीडित पक्षले इलाका प्रहरी कार्यालय लहानमा फागुन २० गते उजुरी दिएका थिए ।

बालिकाको स्वास्थ्य परीक्षण लहान स्थित रामकुमार उमा प्रसाद स्मारक अस्पतालमा फागुन २० गते भएको थियो । इलाका प्रहरी कार्यालय लहानले आरोपितलाई फागुन २० गते गिरफ्तार गरेको थियो । जिल्ला अदालतको आदेशमा आरोपित चैत १५ गते देखि पुर्पक्षका लागि थुनामा रहेका थिए ।

दुर्गा परियार