समाचारहरू

शारीरिक रूपमा अपाङ्गता भएकी २६ वर्षीया महिलालाई गत भदौ १७ गते बलात्कार गरी फरार भएको आरोपमा प्रहरीले घाँसीकुवा गाविस-१ बानियाँटारका ५२ वर्षीय गोरे भन्ने दिलबहादुर चालिसे क्षेत्रीलाई माघ २७ गते गिरफ्तार गरेको छ ।

पीडित महिलालार्इ बलात्कार गरी फरार रहेको आरोपमा क्षेत्रीलाई प्रहरीको विशेष टोलीले गिरफ्तार गरेको जिल्ला प्रहरी कार्यालय तनहुँका एसपी उमेशराज जोशीले जानकारी दिए ।

प्रहरीमा बलात्कार मुद्दा भदौ २२ गते दर्ता भई 'पेण्डिङ्ग'मा नै रहेको हुँदा आरोपितलाई माघ २८ गते तनहुँ जिल्ला अदालतबाट म्याद थप गरी अनुसन्धान सुरु गरिएको जानकारी दिए । पीडित महिलाको स्वास्थ्य परीक्षण भदौ २२ गते नै दमौली अस्पतालमा गरिएको थियो ।

प्रकाशचन्द्र भट्टराई