बलात्कार घटनाका फरार आरोपित गिरफ्तार

  ०८० माघ २९ गते

२५ वर्षीया महिलालाई बलात्कार गरेको आरोपमा फरार रहेका महादेवा गाउँपालिका–५ मझौरा टोलका ३२ वर्षीय मो. कुर्बान मियाँलाई प्रहरीले ०८० माघ २९ गते गिरफ्तार गरेको छ ।

सप्तरी जिल्ला अदालतबाट जेठ २९ गते पक्राउ पुर्जी जारी भएकोमा खोजतलासका क्रममा फरार आरोपित गाउँघरबाटै गिरफ्तार भई अनुसन्धान थालिएको इन्स्पेक्टर प्रमोद खडकाले बताउनु भयो ।

आरोपितले ०८० जेठ ७ गते राति बलात्कार गरेको भन्दै पीडितले जिल्ला प्रहरी कार्यालयमा ०८० जेठ १२ गते उजुरी दिनुभएको थियो । भारहदमा मोबाइल बनाउन दिएर घर फर्किदै गर्दा हनुमाननगर कंकालिनी नगरपालिका–१२ स्थित महादेवा र भारदहको बीच बेलहा पुल छेउमा आरोपितले समातेर मकै बारीमा लगी बलात्कार गरेको र रातभर राखेको पीडितले बताउनुभयो ।

पीडितको स्वास्थ्य परीक्षण जेठ १२ गते गजेन्द्रनारायण सिंह अस्पतालमा भयो । जिल्ला प्रहरी कार्यालयले ०८० जेठ १४ गते उजुरी दर्ता गरेको थियोे ।


मनोहरकुमार पोखरेल