समाचारहरू

१३ वर्षीया बालिकालाई बलात्कार गरेको आरोपमा रामेछाप जिल्ला सुनकोशी गाँउपालिका–४का २५ वर्षीय मिठाराम धिमाललाई प्रहरीले २०७८ असोज ६ गते महोत्तरी बर्दिबास नगरपालिका–१ मा लुकीछिपी बसेको अवस्थामा गिरफ्तार गरेको छ ।

पीडित बालिकालाई साउन १५ गते मध्यपुरथिमि नगरपालिका–४ स्थित सिजन गेष्ट हाउसमा लगि बलात्कार गरेको भन्दै पीडित पक्षले आरोपितविरुद्ध साउन १८ गते महानगरीय प्रहरी वृत्त थिमिमा उजुरी दिएको थियो ।

पीडित बालिकाको तर्फबाट उजुरी प्राप्त भएपछि आरोपित धिमालको नाममा साउन २० गते भक्तपुर जिल्ला अदालतबाट पक्राउ अनुमति लिई अनुसन्धान थालेको महानगरीय प्रहरी परिसर भक्तपुरका डिएसपी दीपक गिरीले बताउनु भयो ।

आरोपित धिमाललाई प्रहरीले असोज ७ गते जिल्ला अदालतमा मुद्दा दायर गरेको गरी अनुसन्धनको लागि हिरासतमा राखेको छ ।

पीडित बालिकाको स्वास्थ्य प्रसुति गृह थापाथलीमा परीक्षण साउन १८ गते गरिएको थियो ।

रमेश गिरी