समाचारहरू

४० वर्षीया महिलालाई बलात्कार गरी फरार रहेका जगन्नाथ गाउँपालिका–४ का २० वर्षीय दिलबहादुर बुढालाई ०८० असोज ८ गते प्रहरीले बाँकेको कोहलपुरबाट गिरफ्तार गरेको छ ।

घरमा एक्लै भएको समयमा आरोपितले ०८० भदौ २२ गते राति बलात्कार गरेको भन्दै पीडित पक्षले भदौ २३ गते प्रहरीमा उजुरी दिएको थियो ।

घटनापछि फरार रहेका बुढालाई असोज ८ गते गिरफ्तार गरी अनुसन्धान शुरु गरेको जिल्ला प्रहरी कार्यालय, बाजुराका इन्स्पेक्टर  दानसिंह भण्डारीले बताउनु भयो ।

पीडितको स्वास्थ्य परीक्षण ०८० भदौ २३ गते जिल्ला अस्पताल, बाजुरामा गरिएको थियो ।

पदमबहादुर सिंह