बलात्कार घटनाका आरोपित विरुद्ध प्रहरीमा उजुरी

  ०७९ जेठ २५ गते

१७ वर्षीया एक बालिकालाई गुठीचौर गाउँपालिका–५ का दुई जनाले सामूहिक बलात्कार गरेको भन्दै पीडित पक्षले जेठ २४ गते जिल्ला प्रहरी कार्यालय जुम्लामा उजुरी दिएका छन् ।

सोही गाउँपालिका–३ स्थित खेतमा पानी सिचाई गर्न गएको अवस्थामा जेठ २३ गते साँझ २० वर्षीय विवेक गिरी र २० वर्षकै पारस देवकोटाले बलात्कार गरेको आरोपमा पीडितका आफन्तले प्रहरीमा उजुरी दिएका हुन ।

बलात्कार घटनाका आरोपित फरार रहेको जिल्ला प्रहरी कार्यालय, जुम्लाका डिएसपी नरेन्द्र चन्दले जानकारी दिनु भएको छ । डीएसपी चन्दले भन्नुभयो “हामी थप अनुसन्धान र आरोपितको खोजी कार्यमै छौँ ।” पीडित बालिकाको जेठ २४ गते कर्णाली स्वास्थ्य विज्ञान प्रतिष्ठान, शिक्षण अस्पताल जुम्लामा स्वास्थ्य परीक्षण भएको जिल्ला प्रहरी कार्यालय जुम्लाले जनाएको छ ।


मानदत्त रावल