बलात्कार घटनाका आरोपित विरूद्ध उजुरी

  ०७८ कात्तिक १२ गते

जाजरकोटकी १४ वर्षीया बालिकालाई बलात्कार गरेको आरोपमा पीडित पक्षले आठविसकोट नगरपालिका –१४ का २६ वर्षीय झलक जैसी विरूद्ध जिल्ला प्रहरी कार्यालय रूकुम पश्चिममा कात्तिक ११ गते उजुरी दिएका छन् ।

भलिबल खेल हेर्न आठविसकोट नगरपालिकामा आएकी बालिकालाई आरोपितले कात्तिक १० गते बलात्कार गरेको भन्दै पीडितका बुवाले उजुरी दर्ता गरेको जिल्ला प्रहरी कार्यालय रूकुम पश्चिमका इन्स्पेक्टर डेकेन्द्र शर्माले जानकारी दिनुभयो ।

पीडित बालिकालाई कात्तिक १० गते राती आफन्तले बेहोस अवस्थामा फेला पारेर उपचारका लागि आठविसकोट नगर अस्पताल ल्याएका थिए ।

अत्यधिक रक्तस्राव भएका कारण बालिकाको उपचार सम्भव नभएपछि थप उपचारका लागि नेपालगञ्ज पठाइएको नगर अस्पतालका प्रमुख प्रेम रोकाले बताउनुभयो ।

आरोपित जैसी फरार रहेको र उनको खोजीभइरहेको प्रहरीले जनाएको छ ।


मनिषा केसी