बलात्कार घटनाका आरोपित गिरफ्तार

  ०७३ फागुन २३ गते

१३ वर्षीया बालिकालाई बलात्कार गरेको आरोपमा प्रहरीले भेरीमालिका नपा-११ का ३५ वर्षीय इन्द्रबहादुर शाहीलाई फागुन २२ गते गिरफ्तार गरेको छ ।

पीडित बालिकालाई आरोपितले फागुन २० गते बलात्कार गरेको भन्दै पीडित पक्षले सोही दिन जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी भावेश रिमालले बताए ।

पीडित बालिकाको स्वास्थ्य परीक्षण जिल्ला अस्पतालमा फागुन २० गते भएको प्रहरीले जनाएको छ ।


दिनेशकुमार श्रेष्ठ