बलात्कार घटनाका आरोपित गिरफ्तार

१४ वर्षीया बालिकालाई बलात्कार गरेको आरोपमा प्रहरीले २१ वर्षीय काकालाई साउन ६ गते गिरफ्तार गरेको छ ।

खुम्बु पासाङल्हामु गाँउपालिका-२ मा बस्दै आएका आरोपितलाई पीडित पक्षको उजुरीपछि गिरफ्तार गरिएको जिल्ला प्रहरी कार्यालयका इन्स्पेक्टर उत्तम कार्कीले बताए ।

पीडित बालिकालाई आरोपितले पटकपटक बलात्कार गर्दै आएको र अन्तिम पटक ०७५ मङ्सिर ४ गते बलात्कार गरेको भनी पीडित पक्षले साउन ६ गते प्रहरीमा दिएको उजुरीमा उल्लेख छ ।

पीडित बालिकाको स्वास्थ्य परीक्षण साउन ६ गते जिल्ला अस्पतालमा गरिएको छ । स्वास्थ्य परीक्षणका क्रममा बालिका ८ महिनाको गर्भवती भएको चिकित्सकले बताएका छन् ।


भोजराज कार्की