बलात्कार घटनाका आरोपित गिरफ्तार

 

अपाङ्गता भएकी ४२ वर्षीया (बोल्न नसक्ने) एक महिलालाई बलात्कार गरेको आरोपमा प्रहरीले भारत मोतिहारी जिल्ला घर भई कावासोती नपा-१६ डण्डा बस्ने भुनेस कुसहवालाई चैत २२ गते गिरफ्तार गरेको छ ।

आरोपितले पीडितलाई चैत २२ गते बिहान बलात्कार गरेको भनि स्थानीयले मौखिक उजुरी गरेपछि सोही आधारमा आरोपित कुसहवालाई गिरफ्तार गरेको जिल्ला प्रहरी कार्यालय, नवलपरासी (बर्दघाट सुस्ता पूर्व)का डिएसपी अर्जुन रानाभाटले जानकारी दिए ।

पीडित महिलालाई स्वास्थ्य परीक्षणको लागि भरतपुर अस्पताल चितवन पठाइएको डिएसपी रानाभाटले बताए ।


तिर्थराज डुम्रे