समाचारहरू

१३ वर्षीया बालिकालाई बलात्कार गरेको आरोपमा प्रहरीले मकवानपुरगढी गाउँपालिका ५ घर भई हाल चाँगुनारायण नगरपालिका ८ बस्ने गुरु, रोशन भन्ने हिरामणी घिमिरेलाई चैत २१ गिरफ्तार गरेको छ ।

पीडित बालिकालाई आरोपितले चैत १९ गते बलात्कार गरेको भनी पीडितका आफन्तले सोही दिन महानगरीय प्रहरी वृत्त ठिमीमा उजुरी दिएको महानगरीय प्रहरी परिसर भक्तपुरका डिएसपी रेवतीरमण पोख्रेलले बताए ।

पीडितबाट जोहरी आएलगत्तै प्रहरीको टोली १९ गते नै घटनास्थल पुग्दा घिमिरे फरार भएको र खोजी गर्ने क्रममा रसुवाको कालिका गाउँपालिका ३ कटुन्जे स्थित आफन्तको घरमा लुकिछिपी बसेको अवस्थामा स्थानीय प्रहरीको सहयोगमा गिरफ्तार गरेको उनले बताए ।

पीडित बालिकाको स्वास्थ्य परीक्षण चैत १९ गते प्रसूति गृह थापाथलीमा गरिएको प्रहरीले जनाएको छ ।

सविना केसी