समाचारहरू

३० वर्षीया महिलालाई बलात्कार गरेको आरोपमा हुम्ला जिल्ला चङ्खेली गाउँपालिका दार्मा घर भई हाल प्रहरी चौकी चैना मुगुमा कार्यरत ४७ वर्षीय सई सुर्यबहादुर शाहीलाई प्रहरीले फागुन ३ गते गिरफ्तार गरेको छ ।
सापटी लिएको रकम दिने बहानामा आरोपितले फागुन ३ गते साँझ ६ बजे पीडितलाई बोलाई बलात्कार गरेको भन्दै पीडित पक्षले सोही दिन जिल्ला प्रहरी कार्यालयमा उजुरी दिएको थियो ।
पीडित महिलाको स्वास्थ्य परीक्षण जिल्ला अस्पतालमा फागुन ४ गते गरिएको छ । घटनाका सम्बन्धमा प्रहरी कार्यालयमा जानकारी दिएको विषयमा आरोपितले धम्क्याएको पीडितले आरोप लगाएकी छन् ।
पीडित पक्षबाट मौखिक जानकारी आएको जिल्ला प्रहरी कार्यालयका निमित्त डिएसपी लालबहादुर ऐरले जानकारी दिए । पीडित पक्षबाट लिखित उजुरी आएपछि दर्ता गरेर थप अनुसन्धान प्रक्रिया अगाडि बढाउने उनले बताए ।

जीवन सेजुवाल