समाचारहरू

१९ वर्षीया महिलालाई मङ्सिर १७ गते सामूहिक बलात्कार गरेको आरोपमा गुलरिया नपा-७ का १९ वर्षीय पारस गुप्ता र सोही नपा-६ का १९ वर्षीय राजेश बैगारलाई प्रहरीले मङ्सिर १७ गते गिरफ्तार गरेको छ ।

घटनामा संलग्न नाम नखुलेका एक व्यक्ति फरार रहेको जिल्ला प्रहरी कार्यालय बर्दियाका इन्स्पेक्टर चक्र बहादुर डम्वरपालले जानकारी दिए । फरार आरोपितको खोजी भइरहेको बताउदै इन्स्पेक्टर पालले घटनाको मुद्दा दर्ता गरी कानुनी प्रकृया अघि बढाइएको जानकारी दिए ।

घटनाका सम्बन्धमा पीडित पक्षले मङ्सिर १७ गते जिल्ला प्रहरी कार्यालयमा उजुरी दिएका छन् । पीडितको स्वास्थ्य परीक्षण तथा उपचार जिल्ला अस्पताल गुलरियामा मङ्सिर १७ गते भएको प्रहरीले जनाएको छ ।

घटनाको प्रतिरोधका क्रममा पीडितको बाँया कानको तल चिथोरिएर घाउ भएको छ । साथै दाहिने कुम, घुँडा र कम्मरमा निल डाम देखिएको प्रहरीले जनाएको छ ।

मानबहादुर चौधरी