बलात्कार घटनाका आरोपित गिरफ्तार

  ०७३ मङ्सिर १० गते

१५ वर्षीया एक बालिकालाई बलात्कार गरेको आरोपमा सल्यान जिल्ला दार्माकोट गाविस-५ का २३ वर्षीय डिल्ली विकलाई प्रहरीले मङ्सिर ९ गते गिरफ्तार गरेको छ ।

पीडित बालिकालाई आरोपितले मङ्सिर ८ गते बलात्कार गरेको आरोपमा जिल्ला प्रहरी कार्यालय रुकुममा पीडित पक्षले मङ्सिर ९ गते उजुरी दिएको थियो ।

उजुरी आएपछि अनुसन्धानका लागि आरोपितलाई गिरफ्तार गरिएको जिल्ला प्रहरी कार्यालय रुकुमका डिएसपी अङ्गुर जिसीले जानकारी दिए ।

पीडित बालिकाको स्वास्थ्य परीक्षण जिल्ला अस्पताल सल्लेमा मङ्सिर ९ गते गरिएको पनि डिएसपी जिसीले बताए ।


आदर्श केसी