समाचारहरू

१३ वर्षीया बालिकालाई बलात्कार गरेको आरोपमा प्रहरीले भिमदत्त नगरपालिका–३ तिलकपुरका २२ वर्षीय रवि चदारालाई ०८१  फागुन ४ गते गिरफ्तार गरेको छ ।

पीडित बालिकालाई बिभिन्न प्रलोभन देखाई आरोपितले ०८१ असोज महिनादेखि पटकपटक बलात्कार गर्दा बालिकाको गर्भरहेको उपचारका क्रममा देखिएपछि आरोपित विरुद्ध फागुन ४ गते जिल्ला प्रहरी कार्यालयमा उजुरी दिइएको पीडित पक्षको भनाइ छ ।

पीडित पक्षले दिनुभएको उजुरीका आधारमा आरोपितलाई गिरफ्तार गरी अनुसन्धान भइरहेको जिल्ला प्रहरी कार्यालय, कञ्चनपुरका इन्स्पेक्टर जमुना जोशीले बताउनु भयो ।

पीडितको स्वास्थ्य उपचार फागुन २ गतेदेखि महाकाली प्रादेशिक अस्पताल, महेन्द्रनगरमा भइरहेको छ ।

लिली कुँवर