समाचारहरू

११ वर्षीया बालिकालाई बलात्कार गरेको आरोपमा प्रहरीले ४१ वर्षीय सौतिनी बाबुलाई मङ्सिर १८ गते गिरफ्तार गरेको प्रहरी वृत्त बौद्धकी असई हस्तीकुमारी बस्नेतले बताउनु भएको छ ।  पीडित बालिकालाई आरोपितले दुई वर्षदेखि बलात्कार गरेको भनी गोप्य सूचनाका आधारमा आरोपितलाई गिरफ्तार गरेको काठमाडौँ महानगरपालिकाले जनायो ।

काठमाडौं महानगरपालिकाले ११ वर्षीय बालिकासँगै उनका नौ वर्षीय र सात वर्षीय भाइलाई उद्धार गरेको काठमाडौँ महानगरपालिका बाल उद्धार कार्यदलकी संयोजक रसला तण्डुकारले जानकारी दिनु भयो ।

घरमा सौतिनी बाबुबाट असुरक्षित रहेको भन्ने सूचना पाएपछि उनीहरूको उद्धार गरिएको संयोजक तण्डुकार बताउनु भयो ।

पीडित बालिकाको स्वास्थ्य परीक्षण थापाथलीस्थित  प्रसूति गृहमा मङ्सिर १८ गते गरिएको छ । ।

बालिका अध्ययन गर्ने विद्यालय काठमाडौ महानगरपालिका क्षेत्रभित्र भएकाले महानगरपालिकाले प्रहरी वृत्त, वौद्धको  सहयोगमा उनीहरूको उद्धार गरेको  हो । उद्धार गरिएका तीनै जना बालबालिकालाई अस्थायी संरक्षणमा राखिएको महानगरले जनाएको छ ।

पार्बती साउद