समाचारहरू

९ वर्षीया बालिका बलात्कार गरेको आरोपमा ७८ वर्षीय जेष्ठ नागरिकलाई प्रहरीले कात्तिक ५ गते गिरफ्तार गरेको छ ।

पीडित बालिकालाई कात्तिक ५ गते घरमै बलात्कार गरेको भन्दै पीडित परिवारले इलाका प्रहरी कार्यालय खानीखोलामा कात्तिक ५ गते उजुरी दिएको थियो ।

आरोपितलाई जिल्ला अदालत धादिङमा म्याद थपका लागि पेश गरेकोमा पाँच दिन हिरासतमा राखेर अनुसन्धानका लागि अनुमति प्राप्त भएको जिल्ला प्रहरी कार्यालयका सूचना अधिकारी इन्स्पेक्टर प्रल्हाद सिलवालले जानकारी दिनुभयो ।

पीडित बालिकाको धादिङ अस्पतालमा कात्तिक ५ गते स्वास्थ्य परीक्षण गरियो । आरोपित विरुद्ध जिल्ला प्रहरी कार्यालय धादिङमा ०८१ कात्तिक ६ गते उजुरी दर्ता भएको छ ।

सीताराम अधिकारी