समाचारहरू

१५ वर्षीया बालिकालाई बलात्कार गरेको आरोपमा प्रहरीले हुम्ला जिल्ला ताँजाकोट गाउँपालिका–४ स्थायी घर भई चौतारा साँगाचोकगढी नपा–५ स्थित बहुप्राविधिक विद्यालयमा अध्ययनरत १८ वर्षीय वीरेन्द्र शाहीलाई असोज २ गते गिरफ्तार गरेको छ ।

पीडित बालिकालाई आरोपितले ०८० चैत १८ गते बलात्कार गरेको भनी पीडितको तर्फबाट ०८१ असोज १ गते पीडितका काकाले जिल्ला प्रहरी कार्यालयमा दिएको उजुरीका आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका डिएसपी निरञ्जन भट्टराईले बताउनु भयो ।

पीडित बालिकाको स्वास्थ्य परीक्षण असोज १ गते चौतारा अस्पतालमा गरिएको छ । बलात्कार पीडित बालिका गर्भवती भएको थाहा पाएपछि घटना सार्वजनिक भएको हो ।

नातिबावु धिताल