बलात्कार घटनाका आरोपित गिरफ्तार

  ०८१ साउन ३१ गते

१४ वर्षीया बालिकालाई बलात्कार गरेको आरोपमा प्रहरीले साकेला  गाउँपालिका-२ का २७ वर्षीय दर्शन राईलाई साउन ३१ गते प्रहरीले गिरफ्तार गरेको छ ।

पीडित बालिकालाई  आरोपितले ०८१ असार २९ गते बलात्कार गरेको आरोपमा पीडित पक्षले आरोपितविरूद्ध साउन ३१ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका इन्स्पेक्टर वेनु कार्कीले बताउनु भयोे।

पीडित बालिकाको स्वास्थ्य परीक्षण जिल्ला अस्पतालमा साउन ३१ गते गरिएको छ ।

त्यसैगरी ३५ वर्षीया महिलालाई बलात्कार गरेको आरोपमा प्रहरीले दिप्रुङ चुइचुम्मा गाउँपालिका-४ का ३४ वर्षीय श्रीकुमार राईलाई गिरफ्तार गरेको छ ।

पीडित महिलालाई आरोपितले ०८० असोज २८ गते बलात्कार गरेको आरोपमा पीडित पक्षले आरोपितविरूद्ध ०८१ साउन २४ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धानका लागि साउन २५ गते गिरफ्तार गरिएको जिल्ला प्रहरी कार्यालयका इन्स्पेक्टर बेनु कार्कीले बताउनु भयो ।

पीडित महिलाको स्वास्थ्य परीक्षण जिल्ला अस्पतालमा साउन २४ गते गरिएको छ ।


तारानाथ फुयल