समाचारहरू

६१ वर्षीया मानसिक सन्तुलन गुमेकी महिलालाई बलात्कार गरेको आरोपमा तेमाल गाउँपालिका–९ राक्सेटारस्थित बनमा लगि बलात्कार गर्ने बसका सहचालक रामेछाप जिल्ला सुनापति गाउँपालिका–६ का १८ वर्षीय पासाङ तामाङलाई ०८१ साउन ६ गते प्रहरीले गिरफ्तार गरेको छ ।

पीडितले विगत २५ वर्षदेखी मानसिक स्वास्थ्यको औषधी खाइरहेकी थिइन् । पीडितलाई बलात्कार गरेको भन्दै आरोपित तामाङविरुद्ध पीडितका आफन्तले ०८१ असार ३० गते जिल्ला प्रहरी कार्यालय धुलिखेलमा जबरजस्ती करणी शीर्षकमा मुद्दा दर्ता गरेको डिएसपी राजकुमार केसीले बताउनु भयो ।

पीडित महिलाको स्वास्थ्य परीक्षण ०८१ असार ३० गते धुलिखेल अस्पतालमा गरिएको थियो ।

सुमित्रा आचार्य