बलात्कार घटनाका आरोपित गिरफ्तार

  ०८१ असार ११ गते

१५ वर्षीया बालिकालाई अपहरण गरी शरीर बन्धक बनाई बलात्कार गरेको आरोपमा कपिलवस्तु नगरपालिका–३, सिकोटवाका २२ वर्षीय कलिम मुसलमान र सोही ठाउँका २० वर्षीय दिनेश कुर्मीलाई प्रहरीले ०८१ असार ८ गते गिरफ्तार गरेको छ ।

पीडित बालिकालाई आरोपितले जेठ ३१ गते अपहरण गरी शरीर बन्धक बनाई बलात्कार गरेको भन्दै पीडित पक्षले असार ९ गते जिल्ला प्रहरी कार्यालयमा उजुरी दिएको थियो । पीडित पक्षले दिएको सोही उजुरीको आधारमा आरोपितलाई गिरफ्तार गरी थप अनुसन्धान गरिरहेको जिल्ला प्रहरी कार्यालयका डिएसपी हरिबहादुर वलीले इन्सेकलाई जानकारी दिनुभयो ।

पीडितको स्वास्थ्य परीक्षण असार ७ गते कपिलवस्तु अस्पताल, तौलिहवामा भयो ।


रीमा बिसी