बलात्कार घटनाका आरोपित गिरफ्तार

  ०८१ जेठ ३१ गते

३६ वर्षीया महिलालाई बलात्कार गरेको आरोपमा बसबरीया गाउँपालिका-३ भवानीपुरका ३५ वर्षीय रमन माझीलाई ०८१ जेठ २८ गते इलाका प्रहरी कार्यालय हरिवनले गिरफ्तार गरेको छ ।

पीडितलाई जेठ १३ गते बलात्कार गरी अचेत अवस्थामा छाडी आरोपित फरार भएका थिए । जेठ १४ गते बिहान बागमती नगरपालिका-४, जिरायतस्थित डाँडा टोलकाे कच्ची सडक किनारामा अचेत अवस्थामा रहेका पीडितलाई स्थानीयहरूले देखेपछि इलाका प्रहरी कार्यालय हरिवनलाई जानकारी गराएका थिए । स्थानियाकाे सहयोगमा पीडितलाई प्रहरीले उद्वार गरि स्वास्थ्य उपचारकाे लागि साेही दिन प्रादेशिक अस्पाल मलंगवा लगिएको थियाे । त्यस्तै पीडितकाे थप उपचार जेठ १७ देखि २० गतेसम्म काठमाण्डौ‌स्थित वीर अस्पतालमा भयाे भने जेठ २१ गतेदेखि वीरगञ्जस्थित नारायणी अस्पतालमा भइरहेको जिल्ला प्रहरी कार्यालय मलंगवाका डिएसपी दिपक श्रेष्ठले जानकारी दिनु भयो ।

आरोपितलाई जेठ २८ गते इलाका प्रहरी कार्यालयले बागमती नगरपालिका-४, मगर टोलबाट गिरफ्तार गरेको डिएसपी श्रेष्ठले जनाकारी दिनु भयो ।