समाचारहरू

मनोसामाजिक समस्या भएकी २२ वर्षीया महिलालाई बलात्कार गरेको आरोपमा प्रहरीले मानेभञ्ज्याङ गाउँपालिका-२ वाक्साका २६ वर्षीय टङ्कराज राईलाई वैशाख १६ गते गिरफ्तार गरेको छ ।

पीडित महिलालाई आरोपितले ०८० मङ्सिर १४ गते बलात्कार गरेको आरोपमा पीडित पक्षले आरोपितविरूद्ध ०८१ वैशाख १४ गते जिल्ला प्रहरी कार्यालयमा उजुरी दिएको थियो । पीडित पक्षको उजुरी लगत्तै आरोपितलाई अनुसन्धानका लागि मानेभञ्ज्याङ गाउँपालिका-७ हर्कपुरबाट गिरफ्तार गरेको जिल्ला प्रहरी कार्यालयका इन्स्पेक्टर बालीस्टार सिंहले बताउनु भयो ।

पीडित महिलाको स्वास्थ्य परीक्षण जिल्ला अस्पतालमा वैशाख १४ गते गरिएको छ । स्वास्थ्य परीक्षणका क्रममा २१ हप्ताको गर्भ रहेको पुष्टि भएको छ ।

सरस्वती बानिया