बलात्कार घटनाका आरोपित गिरफ्तार

 

१४ वर्षीया बालिकालाई बलात्कार गरेको आरोपमा प्रहरीले सहिदभुमि गाउँपालिका–३ का ३१ वर्षीय विकेश राईलाई चैत २४ गते गिरफ्तार गरेको छ ।

पीडित बालिकालाई आरोपितले ०८० चैत २२ गते बलात्कार गरेको आरोपमा पीडित पक्षले आरोपितविरुद्ध चैत २३ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका एसपी श्यामसिंह चौधरीले बताउनु भयो ।

पीडित बालिकाको स्वास्थ्य परीक्षण जिल्ला अस्पतालमा चैत २३ गते गरिएको छ ।


ईश्वर थापा