समाचारहरू

१४ वर्षीया सुस्त मनस्थिति भएकी बालिकालाई बलात्कार गरेको आरोपमा कोल्बी नगरपालिका–८ नयाँ बस्तिका ३० वर्षीय प्रकाश कार्कीलाई ०८० चैत १२ गते इलाका प्रहरी कार्यालयले गिरफ्तार गरेको छ ।

पीडितलाई आरोपितले चैत ८ गते राती अपहरण गरी दुई दिनसम्म बलात्कार गरेको भन्दै बालिकाको बुबाले चैत १२ गते आरोपित विरुद्ध इलाका प्रहरी कार्यालय कोल्बीमा उजुरी दिनु भएको छ ।

पीडित पक्षले दिएको उजुरिको आधारमा आरोपितलाई गिरफ्तार गरी थप अनुसन्धानको लागि चैत १२ गते जिल्ला प्रहरी कार्यालय कलैयालाई बुझाएको र आरोपित विरुद्ध मुद्दा दर्ता गरी जिल्ला अदालतबाट म्याद थप गराइ अनुसन्धान प्रक्रिया अगाडि बढाएको जिल्ला प्रहरी कार्यालयका डिएसपी दधिराम न्यौपानेले बताउनु भयो ।

पीडितको स्वास्थ्य परीक्षण चैत १२ गते जिल्ला अस्पताल कलैयामा भएको जिल्ला प्रहरी कार्यालय अन्तरगत महिला बालबालिका तथा ज्येष्ठ नागरिक सेवा केन्द्रका इन्स्पेक्टर बिमला कुमारी कठायतले जानकारी दिनु भयो ।

गौरी न्यौपाने