समाचारहरू

२२ वर्षीया महिलालाई बलात्कार गरेको आरोपमा गोरखा नगरपालिका– ११ बाह्रकिलोका ४१ वर्षीय इश्वर बस्नेतलाई प्रहरीले फागुन १८ गते गिरफ्तार गरेको छ ।

पीडित महिला बस्नेतले संचालन गरेको होटलमा काम गर्दै आएको र फागुन १५ गते बलात्कार गरेको भन्दै पीडितले फागुन १८ गते दिएको उजुरीको आधारमा आरोपितलाई प्रहरीले गिरफ्तार गरेको हो ।

आरोपित विरुद्ध फागुन २० गते जिल्ला अदालत गोरखामा बलात्कार कसुर शिर्षकमा मुद्दा दर्ता गरि हिरासतमा राख्न म्याद थप अनुमति लिएर अनुसन्धान भइरहेको जिल्ला प्रहरी कार्यालय गोरखाका इन्स्पेक्टर शेखर खड्काले जानकारी दिनुभयो ।

पीडित महिलाको स्वास्थ्य परीक्षण फागुन १८ गते जिल्ला अस्पतालमा भएको थियो ।

हरिराम उप्रेती