बलात्कार घटनाका आरोपित गिरफ्तार

  ०८० फागुन १५ गते

सात वर्षीया बालिकालाई बलात्कार गरेको आरोपमा जुगल गाउँपालिका-२, गोल्चेका ८७ वर्षीय पुङज्युङ तामाङलाई प्रहरीले ०८० फागुन १४ गते गिरफ्तार गरेको छ ।

पीडित बालिकालाई आरोपितले ०७९ फागुन ७ गते चक्लेट र पैसा दिन्छु भनि फकाएर आफ्नै घरमा लगेर बलात्कार गरेको भन्दै पीडितको बुबाले चैत ८ गते जिल्ला प्रहरी कार्यालयमा उजुरी दिनुभएको थियो ।

पीडितको स्वास्थ्य परीक्षण चैत ८ गते चौतारा अस्पतालमा भएको थियो । घटनापछि फरार आरोपित लुकिछिपि घरमा बसेको सूचनाको आधारमा प्रहरी टोलीले गिरफ्तार गरेको जिल्ला प्रहरी कार्यालयका इन्स्पेक्टर संजिवकुमार यादवले बताउनु भयो । पीडित हाल शक्ति समूहको संरक्षणमा रहेको इन्स्पेक्टर यादवले इन्सेकलाई जानकारी दिनुभयो ।


नातिबावु धिताल