बलात्कार घटनाका आरोपित गिरफ्तार

 

नौ वर्षीया बालिका बलात्कार गरेको आरोपमा प्रहरीले बारबर्दिया नपा-१ का ४८ वर्षीय नरबहादुर घिमिरेलाई चैत ९ गते गिरफ्तार गरेको छ ।

पीडित बालिकालाई आरोपितले चैत ८ गते बलात्कार गरेको पीडित पक्षले आरोप लगाएको छ । पीडित पक्षले इलाका प्रहरी कार्यालय बनियाभारमा चैत ९ गते उजुरी दिएको छ ।

घटनाको बारेमा सूचना पाउने बितिक्कै इलाका प्रहरी कार्यालय बनियाभारबाट गएको प्रहरीको टोलीले आरोपित नरबहादुरलाई घरबाटै गिरफ्तार गरी अनुसन्धान सुरू गरेको इलाका प्रहरी कार्यालय बनियाभारका इन्स्पेक्टर हस्तबहादुर सुनारले बताए । पीडित बालिकाको स्वास्थ्य परीक्षण जिल्ला अस्पताल गुलरियामा चैत ९ गते गरिएको छ ।


मानबहादुर चौधरी