समाचारहरू

सात वर्षीया बालिकालाई बलात्कार गरेको आरोपमा प्रहरीले रावावेशीँ गाउँपालिका-१ का १५ वर्षीय बालकलाई कात्तिक ३० गते गिरफ्तार गरेको छ ।

पीडित बालिकालाई नातामा काका पर्ने आरोपितले ०८० कात्तिक २९ गते बलात्कार गरेको आरोपमा पीडित पक्षले आरोपितविरूद्ध कात्तिक ३० गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका डिएसपी पुरूषोत्तम खड्काले बताउनु भयो ।

पीडितको स्वास्थ्य परीक्षण जिल्ला अस्पतालमा कात्तिक ३० गते गरिएको छ ।

२५ वर्षीया महिलालाई ०८० कात्तिक २९ गते बलात्कार गरेको आरोपमा प्रहरीले दिक्तेल रूपाकोट मझुवागढी नगरपालिका-१५ विजयखर्कका १५ वर्षीय बालकलाई कात्तिक ३० गते गिरफ्तार गरेको छ ।

पीडितलाई आरोपितले कात्तिक २९ गते बलात्कार गरेको आरोपमा पीडित पक्षले आरोपितविरूद्ध कात्तिक ३० गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका डिएसपी पुरूषोत्तम खड्काले बताउनु भयो ।

पीडितको स्वास्थ्य परीक्षण जिल्ला अस्पतालमा कात्तिक ३० गते गरिएको छ ।

तारानाथ फुयल