समाचारहरू

चार वर्षीया बालिकालाई बलात्कार गरेको आरोपमा प्रहरीले गुल्मी जिल्ला रेसुंगा नगरपालिका–१० सिखेधारा टोल बस्ने २५ वर्षीय रामबहादुर घर्ती थापालाई कात्तिक २३ गते गिरफ्तार गरेको छ ।

पीडितलाई आरोपितले कात्तिक २२ गते प्रलोभनमा पारी बलात्कार गरेको भन्दै पीडित पक्षले कात्तिक २३ गते उजुरी जिल्ला प्रहरी कार्यालय, अर्घाखाँचीमा उजुरी दिएको जिल्ला  प्रहरी कार्यालयका इन्स्पेक्टर बिक्रम रिजालले बताउनु भयो ।

जिल्ला प्रहरी कार्यालयका अनुसार आरोपितलाई जिल्ल अदालतबाट म्याद थप गरी अनुसन्धान भइरहेको छ ।

पीडितको स्वास्थ्य परीक्षण कात्तिक २३ गते अर्घाखाँची अस्पताल, सन्धिखर्कमा गरिएको छ ।

 

 

कूलबहादुर नेपाली