बलात्कार घटनाका आरोपित गिरफ्तार

 

२५ वर्षीया महिलालाई बलात्कार गरेको आरोपमा प्रहरीले सुनकोशी गाउँपालिका-१० का वडाध्यक्ष ३५ वर्षीय छविरमण धमलालाई असोज ९ गते गिरफ्तार गरेको छ ।

पीडित महिलालाई आरोपितले ०८० असार २५ गते बलात्कार गरेको आरोपमा पीडित पक्षले आरोपितविरूद्ध असोज ५ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरी लगत्तै फरार रहेका आरोपितलाई अनुसन्धानका लागि ओखलढुङ्गा बजारबाट गिरफ्तार गरेको जिल्ला प्रहरी कार्यालयका इन्स्पेक्टर बालीस्टार सिंहले बताउनु भयो ।

पीडितको स्वास्थ्य परीक्षण जिल्ला अस्पतालमा असोज ५ गते गरिएको छ ।


सरस्वती बानिया