बलात्कार घटनाका आरोपित गिरफ्तार 

 

मनोसामाजिक समस्या भएकी १७ वर्षीया बालिकालाई बलात्कार गरेको आरोपमा प्रहरीले सुनकोशी गाउँपालिका–८ घर भइ सिद्धिचरण नगरपालिका–११ मा सुनचाँदी तथा भाँडा पसल व्यवसाय गर्ने ३० बर्षीय चन्द्रबहादुर विकलाई भदौ २८ गते गिरफ्तार गरेको छ ।

पीडित बालिकालाई आरोपितले ०८० भदौ १९ गते बलात्कार गरेको आरोपमा पीडित पक्षले आरोपितविरूद्ध भदौ २८ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरी लगत्तै आरोपितलाई अनुसन्धानका लागि घरबाटै गिरफ्तार गरेको जिल्ला प्रहरी कार्यालयका इन्स्पेक्टर बालीस्टार सिंहले बताउनु भयो ।

पीडित बालिकाको स्वास्थ्य परीक्षण जिल्ला अस्पतालमा भदौ २८ गते गरिएको छ ।


सरस्वती बानिया