बलात्कार घटनाका आरोपित गिरफ्तार

 

१३ वर्षीया बालिकालाई बलात्कार गरेको आरोपमा प्रहरीले बैजनाथ गाउँपालिका–८ पिपिरी का २१ वर्षीय गणेश सुस्लिङ मगरलाई भदौ २६ गते गिरफ्तार गरेको छ ।

पीडितलाई आरोपितले भदौ २४ गते बलात्कार गरेको भन्दै पीडित पक्षले भदौ २६ गते इलाका प्रहरी कार्यालय, धनौलीमा उजुरी दिएका थिए ।

उजुरीका आधारमा आरोपितलाई गिरफ्तार गरी कारबाही अगाडि बढाइएको इलाका  प्रहरी कार्यालय, धनौलीका इन्स्पक्टर असोक मल्लले बताउनु भयो ।

पीडितको स्वास्थ्य परीक्षण भदौ २६ गते भेरी अस्पतालमा गरिएको छ ।


लक्ष्मी थारू