समाचारहरू

१६ वर्षीया बालिकालाई सामुहिक बलात्कार गरेको आरोपमा प्रहरीले दोधराचाँदनी नगरपालिका–३ का १८ वर्षीय खेमसिंह साउँद, सोही ठाउँका १९ वर्षीय अरवीन महता र १७ वर्षीय बालकलाई ०८० भदौ २५ गते गिरफ्तार गरेको छ ।

पीडित पक्षले भदौ २५ गते दिनुभएको उजुरीका आधारमा घरमा लुकेर बसेको अवस्थामा आरोपितहरुलाई भदौ २५ गते नै गिरफ्तार गरी जबरजस्तीकरणी अन्तर्गत मुद्दा दर्ता गरेर अनुसन्धान भइरहेको ईलाका प्रहरी कार्यालय, दोधराचाँदनीका इन्स्पेक्टर अर्जुन साउदले बताउनु भयो ।

भदौ १५ गते गौरा पर्वमा मेला हेर्न गएकी बालिकालाई ललाईफकाई नजिकै रहेको उखुबारीमा लगेर भदौ १५ गते बलात्कार गरेको र भदौ १९ गते दोधरा चाँदनी नगरपालिका–२ स्थित मायापुरी सामुदायिक बनमा बलात्कार गरेको पीडितकी आमाले इन्सेक प्रतिनिधिसँगको फोन सम्पर्कमा बताउनु भयो ।

पीडितको स्वास्थ्य परीक्षण भदौ २५ गते महाकाली प्रादेशिक अस्पतालमा गरिएको छ ।

लिली कुँवर