समाचारहरू

१५ वर्षीया बालिकालाई बलात्कार गरेको आरोपमा नीलकण्ठ नगरपालिका-४ का ३३ वर्षीय पुर्णबहादुर श्रेष्ठलाई प्रहरीले ०८० भदौ २० गते गिरफ्तार गरेको छ ।

पीडित बालिकालाई आरोपितले भदौ २० गते नीलकण्ठ नगरपालिका-८ को जङ्गल क्षेत्रमा र सिद्धलेक गाउँपालिका-६ को कच्ची सडकमा बलात्कार गरेको भन्दै पीडित पक्षले जिल्ला प्रहरी कार्यालयमा भदौ २० गते उजुरी दिएको थियो ।

पीडित पक्षको उजुरीका आधारमा आरोपितलाई सोही दिन गिरफ्तार गरिएको जिल्ला प्रहरी कार्यालयका एसपी गौतम मिश्रले जानकारी दिनुभयो ।

पीडित बालिकाको स्वास्थ्य परीक्षण भदौ २० गते धादिङ अस्पतालमा भयो । प्रहरीले आरोपितविरूद्ध जिल्ला अदालतबाट भदौ २१ गते सात दिनको म्याद थप गरी अनुसन्धान सुरु गरिएको एसपी मिश्रले बताउनु भयो ।

सीताराम अधिकारी