समाचारहरू

१४ वर्षीया बालिकालाई बलात्कार गरेको आरोपमा पुतलीबजार नगरपालिका– ३ बाड्खोला बस्ने ४२ वर्षीय ग्याम बहादुर सुनारलाई प्रहरीले २०८० भदौ १४ गते स्याङजा पुतलीबजार नगरपालिका बाड्खोलाबाट गिरफ्तार गरेको छ ।

पीडित बालिकालाई आरोपितले पटक पटक र पछिल्लो पटक २०८० जेठ १३ गते बलात्कार गरेको भन्दै पीडित पक्षले २०८० भदौ १५ गते जिल्ला प्रहरी कार्यालय स्याङजामा लिखित उजुरी दिएका थिए ।

पीडित पक्षको मौखिक उजुरीका आधारमा आरोपितलाई भदौ १४ गते गिरफ्तार गरि अदालतबाट म्याद थप गरि अनुसन्धान सुरु गरेको जिल्ला प्रहरी कार्यालयका इन्स्पेक्टर उत्तम कुमार जिसीले जानकारी दिनुभयो ।

पीडित बालिकाको स्वास्थ्य परीक्षण भदौ १६ गते स्याङ्जा जिल्ला अस्पतालमा गरिएको छ ।

समीक्षा ढकाल