बलात्कार घटनाका आरोपित गिरफ्तार

  ०८० भदौ ५ गते

२१ वर्षीया महिलालाई बलात्कार गरेको आरोपमा  प्रहरीले रोल्पा नगरपालिका–४ लिवाङ बस्ने २२ वर्षीय गणेश डाँगीलाई भदौ ४ गते गिरफ्तार गरेको छ ।

पीडितलाई आरोपितले साउन ३ गते प्रलोभन देखाएर बलात्कार गरेको भन्दै पीडित पक्षले जिल्ला प्रहरी कार्यालयमा भदौ ४ गते उजुरी दिएका थिए ।

आफूलाई डाँगीले भाइको कोठामा लगेर बलात्कार गरेको पीडितले इन्सेक प्रतिनिधिसँगको कुराकानीमा बताउनु भयो ।

उजुरीका आधारमा आरोपितलाई गिरफ्तार गरी अनुसन्धान थालिएको जिल्ला प्रहरी कार्यालयका डिएसपी राजनराज गौतमले बताउनु भयो ।

पीडितको स्वास्थ्य परीक्षण हालसम्म नगरिएको प्रहरीले जनाएको छ ।


शालिकराम डाँगी