समाचारहरू

१७ वर्षीया बालिकालाई बलात्कार गरेको आरोपमा प्रहरीले भिमदत्त नगरपालिका–१८ जानकी टोलका २८ वर्षीय अनिल सार्कीलाई ०८० भदौ ४ गते गिरफ्तार गरेको छ ।

पीडित पक्षले दिएको उजुरीका आधारमा आरोपितलाई भदौ ४ गते  गिरफ्तार गरी जबरजस्तीकरणी अन्तर्गत मुद्दा दर्ता गरेर अनुसन्धान भइरहेको जिल्ला प्रहरी कार्यालय, कञ्चनपुरका डिएसपी प्रकाश डाँगीले बताउनु भयो ।

अत्तरियामा बस्दै आउनु भएका दाजुलाई भेटन बैतडीबाट बसमा चढेर आउने क्रममा बसमा निदाएको अवस्थामा बस अत्तरिय बसपार्कमा नरोकी साँझ कञ्चनपुर बसपार्कमा पुगाएको र साँझ भइसकेकोले आरोपितकै घरमा बास बसेको अवस्थामा रातिको समयमा कोठामा आएर मार्ने धम्की दिएर बलात्कार गरेको पीडित बालिकाले इन्सेक प्रतिनिधिसँगको फोन सम्पर्कमा बताउनु भयो ।

पीडितको स्वास्थ्य परीक्षण भदौ ४ गते महाकाली प्रादेशिक अस्पतालमा गरिएको छ । पीडितको स्वास्थ्य अवस्था सामान्य रहेको र सुरक्षाको दृष्टिकोणबाट पीडितलाई जानकी टोलस्थित शान्ति पुनर्स्थापना केन्द्रमा राखिएको सेवा केन्द्रका संयोजक मञ्जु केसीले बताउनु भयो ।

लिली कुँवर