बलात्कार घटनाका आरोपित गिरफ्तार

 

१५ वर्षीया बालिकालाई बलात्कार गरेको आरोपमा दुधौली नगरपालिका-५, सिर्थौलीका २३ वर्षीय अभिषेक कुमरलाई प्रहरीले ०८० साउन ८ गते गिरफ्तार गरेको छ ।

पीडित बालिकालाई आरोपितले साउन ८ गते बलात्कार गरेको भन्दै पीडित पक्षले सोही दिन इलाका प्रहरी कार्यालय, डकाहामा उजुरी दिएको थियो ।

पीडित पक्षको उजुरीपछि कुमरलाई हिँड्दै गरेको अवस्थामा गिरफ्तार गरेको जिल्ला प्रहरी कार्यालयका इन्स्पेक्टर किशोर ढुंगानाले जानकारी दिनुभयो ।

पीडित बालिकाको स्वास्थ्य परीक्षण साउन ८ गते सिन्धुली अस्पतालमा भयो ।

प्रहरीले आरोपितमाथि जिल्ला अदालत, सिन्धुलीबाट साउन ९ गते नौ दिनको म्याद थप गरी घटनाबारे अनुसन्धान गरिरहेको इन्स्पेक्टर ढुंगानाले बताउनु भयो ।


नबिनबाबु अधिकारी