बलात्कार घटनाका आरोपित गिरफ्तार

  ०८० असार २१ गते

१६ वर्षीया बालिकालाई बलात्कार गरेको आरोपमा प्रहरीले सिद्धिचरण नगरपालिका-३ अधेरीका ६५ वर्षीय फिञ्चुले भनिने रूखवीरु राईलाई असार १९ गते गिरफ्तार गरेको छ ।

पीडित बालिकालाई आरोपितले ०७९ कात्तिक ८ गते बलात्कार  गरेको आरोपमा पीडित पक्षले आरोपितविरूद्ध ०८० असार १९ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरी लगत्तै आरोपितलाई अनुसन्धानका लागि घरबाटै गिरफ्तार गरेको जिल्ला प्रहरी कार्यालयका इन्स्पेक्टर देवेन्द्र दासले बताउनु भयो ।

सोही घटनाका अर्का आरोपित सिद्धिचरण नगरपालिका-३ का ४४ वर्षीय फुर्तिमान भनिने सागर राई फरार रहेकोले खोजी कार्य भइरहेको इन्स्पेक्टर दासले बताउनु भयो ।

पीडित बालिकाको स्वास्थ्य परीक्षण जिल्ला अस्पतालमा असार १९ गते गरिएको छ ।


सरस्वती बानिया