बलात्कार घटनाका आरोपित गिरफ्तार

  ०८० जेठ १८ गते

२२ वर्षीया महिलालाई बलात्कार गरेको आरोपमा प्रहरीले बर्दघाट नगरपालिका–४ मर्चाघोलाका ४५ वर्षीय पुरनबहादुर सार्कीलाई जेठ १८ गते घरबाट गिरफ्तार गरेको छ ।

पीडितलाई आरोपितले जेठ १७ गते बलात्कार गरेको भन्दै पीडित पक्षले जेठ १८ गते इलाका प्रहरी कार्यालय, बर्दघाटमा उजुरी दिएका छन् ।

पीडित पक्षको उजुरीका आधारमा आरोपितलाई गिरफ्तार गरी अनुसन्धान सुरू गरिएको इलाका प्रहरी कार्यालयका इन्स्पेक्टर बिरेन्द्र केसीले बताउनु भयो ।

घरमा काम गर्न बसेकी महिलालाई घरधनीले नै बलात्कार गरेको पीडितकी आमाले बताउनु भयो ।

पीडितको स्वास्थ्य परीक्षण जेठ १८ गते पृथ्वीचन्द्र जिल्ला अस्पताल, परासीमा गरिएको डाक्टर नुरुल होदाले  जानकारी दिनुभयो ।


नारायण पराजुली