समाचारहरू

२८ वर्षीया महिलालाई बलात्कार गरेको आरोपमा काठमाडौँ जिल्ला तारकेश्वर नगरपालिका-५, गोलढुङ्गाका ३६ वर्षीय आशिष थापालाई ०८० जेठ ७ गते प्रहरीले गिरफ्तार गरेको छ ।

पीडित महिलालाई आरोपितले ललाइ फकाइ पीडितको निवासमा ०७९ फागुन १२ गते बलात्कार गरेको भन्दै ०८० जेठ ३ गते पीडितले प्रहरी वृत्त सातदोबाटोमा उजुरी दिनु भएको थियो ।

घटनापछि पीडितलाई विवाह गर्ने आश्वासन दिँदै आएका आरोपितले धम्की समेत दिएपछि उजुरी आएको जिल्ला प्रहरी परिसर जावलाखेलका सहप्रवक्ता एवम् डिएसपी भुवनेश्वर प्रसाद साहले जानकारी दिनुभयो ।

पीडितको स्वास्थ्य परीक्षण जेठ ७ गते पाटन अस्पताल ललितपुरमा गरिएको अस्पतालका निर्देशक प्राध्यापक डाक्टर रवि शाक्यले जानकारी दिनुभयो ।

आरोपितलाई गिरफ्तार गरी जिल्ला अदालतबाट जेठ ८ गते पाँच दिनको म्याद थप गरी हिरासतमा राखि अनुसन्धान थालिएको डिएसपी साहले बताउनु भयो ।

दीपकप्रसाद घिमिरे