बलात्कार घटनाका आरोपित गिरफ्तार

 

१० वर्षीया बालिकालाई बलात्कार गरेको आरोपमा प्रहरीले बराहक्षेत्र नगरपालिका–८ का १६ वर्षीय बालकलाई चैत ११ गते गिरफ्तार गरेको छ ।

पीडित बालिकालाई आरोपितले ०७९ चैत २ गते बलात्कार गरेको आरोपमा पीडित पक्षले आरोपितविरूद्ध चैत ११ गते इलाका प्रहरी कार्यालय महेन्द्रनगरमा उजुरी दिएको थियो । पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका इन्स्पेक्टर दलकुमार राईले बताउनु भयो ।

पीडित बालिकाको स्वास्थ्य परीक्षण जिल्ला अस्पतालमा चैत ११ गते गरिएको छ ।


जयकृष्ण यादव