बलात्कार घटनाका आरोपित गिरफ्तार

  ०७९ फागुन ४ गते

४५ वर्षीया सुस्त मनस्थिति भएकी महिलालाई फागुन २ गते राति बलात्कार गरेको आरोपमा प्रहरीले लेकम गाउँपालिका–४ का २७ वर्षीय प्रेमराम पार्कीलाई फागुन ३ गते गिरफ्तार गरेको छ ।

ससुरालीमा काम गर्दै आएका पार्कीलाई प्रहरीले शैल्यशिखर नगरपालिकाको गोकुलेश्वरबाट गिरफ्तार गरेको हो ।

आफूमाथि बलात्कार भएको भन्दै पीडितले फागुन ३ गते प्रहरीमा उजुरी दिएपछि इलाका प्रहरी कार्यालय, गोकुलेश्वरबाट खटिएको प्रहरीले टोलीले आरोपितलाई गिरफ्तार गरी अनुसन्धान भइरहेको जिल्ला प्रहरी कार्यालय, दार्चुलाका इन्स्पेक्टर राजेश शाहीले बताउनु भयो ।

उहाँले आरोपित विरुद्ध फागुन ३ गते जिल्ला अदातलमा जबरजस्तीकरणी अन्तर्गत मुद्दा समेत दर्ता गरिएको बताउनु भयो ।

पीडित महिलाको स्वास्थ्य परीक्षण फागुन ३ गते गोकुलेश्वर अस्पताल, दार्चुलामा गरिएको छ ।


नरेन्द्रसिंह कार्की