बलात्कार घटनाका आरोपित गिरफ्तार

 

चार वर्षीया बालिकालाई बलात्कार गरेको आरोपमा प्रहरीले १६ वर्षीय बालकलाई पुस १९ गते गिरफ्तार गरेको छ ।

पीडित बालिकालाई आरोपितले पुस १७ गते बलात्कार गरेको भन्दै पीडित पक्षले पुस १८ गते जिल्ला प्रहरी कार्यालय, नवलपरासीमा उजुरी दिएको थियो ।

उजुरीका आधारमा अनुसन्धानका लागि आरोपितलाई गिरफ्तार गरिएको जिल्ला प्रहरी कार्यालयका सई टिकाराम पोख्रेलले जानकारी दिए ।

पीडित बालिकाको स्वास्थ्य परीक्षण पुस १९ गते पृथ्वी चन्द्र जिल्ला अस्पतालमा गरिएको प्रहरीले जनाएको छ ।


नारायण पराजुली