बलात्कार घटनाका आरोपित गिरफ्तार

  ०७९ असोज ८ गते

१५ वर्षीया बालिकालाई बलात्कार गरेको आरोपमा प्रहरीले लाँलीगुरास नगरपालिका–२ केबुका २७ वर्षीय राजन लिम्बूलाई असोज ७ गते गिरफ्तार गरेको छ ।

पीडित बालिकालाई आरोपितले ०७९ असोज ७ गते बलात्कार गरेको आरोपमा पीडित पक्षले आरोपितविरूद्व सोही दिन इलाका प्रहरी कार्यालय बसन्तपुरमा उजुरी दिएको थियो ।

बालिकालाई बलात्कार गरेको आरोपमा आरोपितविरूद्व प्रहरीमा उजुरी दिएको पीडिका २३  वर्षीय दाजुले इन्सेक प्रतिनिधिसँगको फोन सम्पर्कमा बताउनु भयो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरेको इलाका प्रहरी कार्याल बसन्तपुरका इन्स्पेक्टर हिमराज ओलीले इन्सेक प्रतिनिधिसँगको फोन सम्पर्कमा बताउनु भयो ।

पीडित बालिकाको स्वास्थ्य परीक्षण जिल्ला अस्पतालमा असोज ७ गते गरिएको छ ।


सुरेश खत्री